Kryetari i Aleancës për Ardhmërinë e Kosovës, Ramush Haradinaj, ka thënë se institucionet e Kosovës duhet t’i dalin në ndihmë Turqisë, pas situatës së krijuar nga përhapja e zjarreve në disa pjesë.

Haradinaj përmes një postimi në Facebook, ka shkruar se nëse është nevoja duhet dërguar edhe njësitet e FSK-së.

Turqia është duke u përballur me zjarre të mëdha, ku deri tash janë raportuar 4 të vdekur dhe janë shkaktuar dëme.

“Me shqetësim po përcjellim lajmet për zjarret shkatërruese që kanë kapluar Turqinë.
Institucionet e Kosovës të jenë të gatshme për të ofruar ndihmën e nevojshme, përfshirë edhe njësitë operacionale të FSK-së.
Mendimet dhe lutjet tona janë me familjet e viktimave dhe u dëshirojmë shërim të shpejtë të gjithë të lënduarve”, ka shkruar Haradinaj./arbresh.info/