I nominuari për kryeministër nga koalicionit PAN, Ramush Haradinaj ka pritur sot në një takim ambasadorin e Britanisë së Madhe në Kosovë, Ruairi O’Connell.

Haradinaj, përmes një statusi në Facebook ka bërë të ditur se e ka siguruar ambasadorin për angazhim maksimal për krijimin e Qeverisë së re, shkruan arbresh.info.

Lexoni të plotë postimin e tij:

Sot pata kënaqësinë ta pres në takim Ambasadorin e Mbretërisë së Bashkuar, Ruairi O’Connell, me të cilin folëm për procesin zgjedhor dhe për krijimin e institucioneve të reja të Kosovës.

E sigurova Ambasadorin O’Connell, për angazhimin maksimal timin dhe të partnerëve, për krijimin e Qeverisë së re dhe për adresimin e çështjeve, që kërkojnë zgjidhje urgjente, që nga sundimi i ligjit, proceset integruese e deri te zhvillimi ekonomik i vendit.

I përcolla mirënjohjen time për angazhimin e Mbretërisë së Bashkuar, në mbështetjen e Kosovës dhe proceseve të saj demokratike dhe njëkohësisht kërkesën për thellimin e mëtejmë të bashkëpunimit ndërmjet Kosovës dhe Mbretërisë së Bashkuar./Arbresh.info.