Kryeministri i Kosovës, Ramush Haradinaj ka thënë se është mirë që sa më shpejtë të krijohen institucionet e vendit dhe për ketë ai tha se barra bie mbi fituesin e zgjedhjeve.

Haradinaj pas mbledhjes së qeverisë tha se vonesa në krijimin e institucioneve është minus për fituesin e zgjedhjeve.

“Është mirë sa më shpejtë të krijohen institucionet e vendit, barra bie mbi fituesin e zgjedhjeve. Vonesa në krijimin e institucioneve nga fituesit është menjëherë minus për ta. Ata që kanë premtuar se do ta ndalojnë zhvatjen e shtetit kanë mundur me qenë sot në qeveri”, tha Haradinaj.

Ai tha se nuk ka opinion se çka duhet të ndodhë rreth LDK-së dhe VV-së, por sipas tij ata e kanë marrë përgjegjësinë t’i ndërtojnë institucionet.

Haradinaj tha se do ta takonte Albin Kurtin, por jo për t’u bërë pjesë e qeverisë së tij. Ai tha se AAK është opozitë dhe nuk e sheh veten pjesë të qeverisë Kurti.