Haradinaj përmend dështimet e Qeverisë: Majtizmi ekstrem po e dërgon Kurtin drejt luftës së klasave dhe kundër aleatëve

23:35 | 4 Janar 2022
Gita

Kreu i Aleancës për Ardhmërinë e Kosovës (AAK), Ramush Haradinaj ka numëruar dështimet që sipas tij, ka Qeveri Kurti.

Haradinaj pohon se majtizmi ekstrem po e dërgon kryeministrin Albin Kurti dhe Vetëvendosjen drejt luftës së klasave dhe në luftë kundër aleatëve, që nënkupton ia vështirëson Kosovës mundësinë e ecjes përpara, shkruan arbresh.info.

Përmes një postimi në Facebook, Haradinaj ka cekut 12 pika, në të cilat sipas tij ka dështuar Qeveria Kurti.

“Pra mund të themi që majtizmi ekstrem po e dërgon Kurtin dhe Vetëvendosjen drejt luftës së klasave dhe në luftë kundër aleatëve, që nënkupton po ia vështirëson Kosovës mundësinë e ecjes përpara!”, shkruan Haradinaj.