Lidhur me gjendjen e rëndë ekonomike në vend, ndërsa inflacioni po ritet, e qeveria mban qëndrim në mosmiratimin e Ligjit të Pagave, lideri i partisë opozitare, AAK-së, Ramush Haradinaj, ka reaguar duke e cilësuar si qeveri që dëmton të gjithë sektorët në vend.

“Dje sqaruam dëmin që iu bë personelit shëndetësor. Por, qeveria Kurti me mosmiratimin e Ligjit të Pagave u ka shkaktuar dëm të gjithë sektorëve në vend”, thuhet në deklaratën e Haradinajt.

Lideri i AAK-së, vuri theksin te sektori i Policisë së Kosovës, si një nga sektorët më të ndieshëm në sigurinë e vendit.

Sipas tij, ata që janë përgjegjës për rendin dhe qetësinë e shtetit tonë, Policia e Kosovës, është dëmtuar mbi 14 milionë euro për një vit, duke shtruar pyetjen se përderisa kjo qeveri po mburret se janë rritur të hyrat buxhetore, përse po i varfëron policët tanë?