Lideri i AAK-së i cili po vazhdon të mbahet në Francë që nga 4 janari i këtij viti, Ramush Haradinaj ka shprehur mirënjohjen e tij për kongresistin amerikan Eliot Engel i cili siç ka thënë, ka përkrahur vazhdimisht Kosovën në rrugëtimin e saj.

Haradinaj, përmes një postimi në Facebook ka thënë se e drejta e Kosovës për liri e pavarësi është kuptuar mirë nga, siç i ka quajtur, gardianët e lirisë në botë, shkruan arbresh.info.

Lexoni të plotë postimin e tij:

Kosova është me fat që e drejta e saj për të qenë e lirë dhe e pavarur, është kuptuar më mirë se kurrë, nga gardianët e lirisë në Botë, siç janë SHBA dhe BE. Pa këtë përkushtim të tyre, Kosova dhe çdo njëri prej nesh, do të duhej të priste gjatë ta fitonte lirinë e mohuar.

Në mesin e atyre që u vunë në anën e të drejtës sonë për jetë dhe liri, është edhe kongresisti Eliot Engel.

Një falënderim nga zemra për kongresisitin Engel, për SHBA dhe për gjithë të tjerët, për krejt çfarë kanë bërë e po bëjnë, që edhe një popull i vogël, të jetë në mesin e popujve të lirë të Evropës./Arbresh.info.