Kryeministri i Kosovës, Ramush Haradinaj bashkë me kryeparlamentarin, Kadri Veseli kanë takuar sonte strukturat e UÇK-së dhe familjarët e dëshmorëve.

Haradinaj ka thënë se asnjëherë nuk ka hequr dorë nga Çakorri e Kulla duke premtuar se do t’i korrigjojë gabimet e bëra.

“Ju garantoj se asnjëherë nuk kam hequr dorë nga Çakorri e Kulla dhe asnjëherë nuk do ta bëjë. Premtoj se do të korrigjojmë gabimet e bëra dhe do ta përmbyllim këtë sfidë”, ka shkruar Haradinaj në facebook.

Ky është postimi i Haradinajt:

Sonte, bashkë me strukturat e UÇK-së dhe familjarë të dëshmorëve.
Rruga jonë për liri ishte e gjatë dhe plot sakrifica. Sot jemi të lirë, me miqësi të përhershme me Ameriken e partneritet me NATO-n. Jemi në rrugë të mirë drejt Integrimeve në BE.
Ju garantoj se asnjëherë nuk kam hequr dorë nga Çakorri e Kulla dhe asnjëherë nuk do ta bëjë. Premtoj se do të korrigjojmë gabimet e bëra dhe do ta përmbyllim këtë sfidë.
Si bashkëluftëtarë, kemi dalur nga rrethimi dhe tani, së bashku, do të dalim nga izolimi që u është vënë qytetarëve të vendit. Do ta arrijmë lëvizjen e lirë, por duke e mbrojtur të drejtën e Kosovës në territorin e vet.
Do të qëndrojmë bashkë në këtë rrugëtim. T’u dalim hakut atyre që këtë tokë e kanë larë me gjak!
Lavdi te rënëve për liri!