Haradinaj në Deçan: Përkulemi me mirënjohje për dëshmorët dhe martirët

10:56 | 30 Maj 2025
R J

Kryetari i Aleancës për Ardhmërinë e Kosovës, Ramush Haradinaj, ka kujtuar sot dëshmorët dhe martirët e Deçanit, në Ditën e përkujtimit të tyre.

Ai theksoi se Deçani, në kohët më të rënda, diti të ngrihej në ballë të proceseve për lirinë e vendit, duke i dalë zot Atdheut me bijtë më të mirë.

“Në përvjetorin e rënies, kujtojmë me pietet veprimtarin e çështjes kombëtare dhe prijësin e ‘Çetës së Llapit’, heroin Ali Ajeti”, tha Haradinaj.

Ai gjithashtu përkujtoi edhe rënien heroike të luftëtarëve të UÇK-së, Rasim Kiçina dhe Ragip Halilaj, të cilët u flijuan më 30 maj 1999, vetëm pak javë para çlirimit të vendit.

“Liria do të jetojë, deri sa të kujtohen ata që vendosën themelet e saj”, shtoi Haradinaj.

Shpërndaje në rrjete sociale

Lajmet më të lexuara

Të ngjashme

Foto lajm

sq sq