Haradinaj: NATO, aleanca më e fuqishme ushtarake në botë, Kosova i mbetet përjetësisht mirënjohëse

09:47 | 4 Prill 2025
E.K

Kreu i Aleancës për Ardhmërinë e Kosovës (AAK), Ramush Haradinaj, ka theksuar rëndësinë e Aleancës së Atlantikut të Veriut (NATO), e cila shënon 76 vjetorin e themelimit.

Haradinaj theksoi se Kosova i mbetet përjetësisht mirënjohëse për rolin vendimtar të NATO-s në çlirimin e Kosovës dhe ruajtjen e paqes në rajon.

“Me ushtrinë më të re sipas standardeve të NATO-s, Kosova është e gatshme për t’u bërë anëtare e denjë e Aleancës, përkrah SHBA-së dhe aleatëve. Anëtarësimi direkt në NATO është domosdoshmëri për paqe e siguri në vend dhe rajon. Urimet dhe mirënjohjen më të thellë për të gjithë pjesëtarët e Aleancës, kudo që janë në shërbim të paqes nëpër botë”, tha Haradinaj./Arbresh.info