Kryetari i Aleancës për Ardhmërinë e Kosovës (AAK), Ramush Haradinaj, ka kujtuar 24-vjetorin e rënies së luftëtarit të UÇK-së, Sali Çekaj.

Në një postim në Facebook, Haradinaj tha se Çekaj ka qenë një atdhetar shumëdimensional, i cili ra heroikisht sot 24 vjet bashkë me 12 bashkëluftëtarët e tij.

“Nderojmë veprën e heroit të luftës së lavdishme çlirimtare, Sali Çekaj, në ditën e rënies së tij dhe tërë sakrificën për liri të Brigadës 138 “Agim Ramadani”. Sali Çekaj, luftëtar e atdhetar shumëdimensional, ra heroikisht 24 vjet më parë së bashku me bashkëluftëtarët e tij; Shefqetin, Mejdiun, Luanin, Ilirin, Hysniun, Izetin, Bejtën, Azizin, Afrimin, Fatosin, Fisnikun e Leonardin. Ata ranë për të mbetur gjallë në kujtesën e popullit dhe shtetit të Kosovës!”, ka shkruar Haradinaj.

Ai kujtoi edhe të rënët në Rugovë e Podgur, të prirë nga komandant Selman Lajci, si dhe Batalionin Atlantiku.

“Misioni ynë historik për liri dhe pavarësi u realizua falë veprës heroike të luftëtarëve çlirimtarë dhe sakrificës së martirëve, të cilët gjithmonë do të jenë frymëzim dhe udhërrëfyes në ndërtimin e të sotmes dhe të ardhmes sonë!”, tha Haradinaj./Arbresh.info