Haradinaj ende nuk i ka të gjithë emrat për të bërë kabinetin (VIDEO)

12:25 | 8 Shtator 2017
arbresh.info

Mandatari për Qeverinë e Kosovës, Ramush Haradinaj, ende nuk i ka marrë të gjithë emrat e kabinetit të tij, raporton arbresh.info.

Ai ka thënë se po bëjnë përgatitjet për seancën e nesërme, dhe thotë se do të mbahet pas dite.

“Është traditë që kur e thërret seancën grupi parlamentar, është traditë që me kërkesë të prezantohen qëllimet qeverisëse dhe lista e kabinetit. Por, unë ende nuk i kam të gjithë emrat,” është shprehur Haradinaj.

Kabineti i tij do të përbëhet nga ministra të PDK-së, AAK-së, NISMA për Kosovë, AKR-së dhe Listës Serbe.

Konstituimi i Kuvendit të Kosovës, një ditë më parë, i ka hapur rrugë edhe formimit të Qeverisë të dalë nga rezultati i zgjedhjeve të 11 qershorit./arbresh.info/