Kryetari i Aleancës për Ardhmërinë e Kosovës (AAK), Ramush Haradinaj ka thënë se 3 prilli i vitit 1999 na ndau nga njerëz të dashur e luftëtarë të zotë të UÇK-së.

Me anë të një postimi në Facebook, Haradinaj tha se atë ditë  në Kralan të Gjakovës, forcat e Millosheviqit ekzekutuan vëllezër e motra shqiptarë të pafajshëm, shumica prej tyre të rinj në moshë e 11 prej tyre të mitur, shkruan Arbresh.info.

“Në po të njëjtën ditë, i vendosur të luftojë deri në vetëflijim që shqiptarët të jetojnë të lirë, ra heroikisht bashkëluftëtari Arton Mehmetaj, i treti dëshmor nga familja e nderuar Mehmetaj e Gllogjanit. Bashkë me të ra edhe bashkëluftëtari nga Kukësi, Halit Coka.”, u shpreh ai.

“Kujtojmë bashkëluftëtarët Visar Myftari, Fehmi Shala, Kujtim Qallakaj, Ilir Hoxha, Mustafë Çekaj e dhjetëra dëshmorë anekënd Kosovës.”, tha ai.

“Liria erdhi me çmimin e gjakut të tyre. Ta ruajmë e ta çmojmë, bashkë me kujtimin për të rënët.
Përgjithmonë në kujtesën tonë historike.”, përfundoi ai./Arbresh.info/