Deputeti i Lëvizjes Vetëvendosje, Haki Abazi ka reaguar për gjendjen në të cilën është Kosova.

Përmes një postimi në rrjetin social Facebook, Abazi ka thënë se situata në Kosovë është jo e mirë, pasi sipas tij, edhe pas 23 vjetësh pas luftës, mungojnë kushtet elementare për Policinë, siç është sigurimi shëndetësor.

Tutje, ai ka thënë se familjarët e të vrarëve nga forcat serbe presin nga qytetarët e Kosovës, që të mos i blejnë produktet e Serbisë, të cilat e kanë vërshuar tregun e vendit.

Abazi ka theksuar se situata në Kosovë është jo e mirë edhe për punëtorët e sektorit privat.

Postimi i tij i plotë.

“Një burek më shumë për policin, Ju lutem, me një burek në… u ndjeva keq, vështirë ta shikoja në sy. Pensionin jetësor? Sigurisht që duhet kuptuar policin që nuk arreston me urdhër arresti nga gjykata…

23 vite pas lufte Krusha e Vogël ende nuk e ka kulmin e kryer në shtëpinë e djegur. Po Krushianet janë krenare, nuk bëjnë fushatë. Ato presin që së paku të mos blihen produkte nga ata që ua vranë baballarët dhe vllezërit.

Te pompa e benzinës punëtori me dy duart në dritarën e makinës: rrogat me vonëse kanë ardhur, mbi 20 ditë vonesë, të shtunën punojmë, shpesh të dielave. A mundesh të lutem ta ngritësh këtë çështje, të lutem se na është lodhur shpirti!

Përrocka e Prishtinës që vajton e në pritje të dorës së shërbyesit publik, mbrojtjes dhe kujdesit njerëzor!”/arbresh.info/