Gruaja në fotografi po kërkohet nga policia për vjedhje

10:55 | 2 Korrik 2025
E.H

Policia e Kosovës në Graçanicë ka kërkuar bashkëpunim me qytetarët për identifikimin e një gruaje e cila dyshohet se është përfshirë në një rast vjedhje.

“Njësiti i Hetimeve të stacionit policor në Graqanicë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin e të dyshuarës që shihet në fotografi, e cila kërkohet për përfshirje në veprën vjedhje”, thuhet në njoftim.

Policia ka kërkuar që për çdo informacion në lidhje me të dyshuarën të kontaktoni në 192 ose përmes emailit: [email protected]./ Arbresh.info

Shpërndaje në rrjete sociale