Pas mesnatës ka ndodhur një grabitje e armatosur në rrugën Prishtinë – Ferizaj.

Personat e armatosur kanë arritur që të vjedhin nga një kompani e njohur si dhe nga roja e objektit kanë marrë portofolin, raporton portali arbresh.info

Lajmin për arbresh.info e ka konfirmuar zëdhënësja Florije Ahmeti, e cila tregon detaje nga rasti.

“Sot rreth orës 01:00 kemi pranuar informatën për një grabitje që ka  ndodhur në rrugën Prishtinë-Ferizaj. Me të marrë informatën policia ka dalë në vendin e ngjarjes dhe mbështetur në informacionet e para dyshohet që persona të dyshuar, të armatosur, nën kërcënimin e armës, kanë arrit që  të kryejnë një grabitje në një  kompani si dhe nga ankuesi(mashkull, roje e e  objektit) të marrin portofolin (dokumente dhe para)”, tha ajo.

Tutje Ahmeti thotë se aktualisht nga hetuesit policor ka filluar ndërmarrja e veprimeve të nevojshme me fokus zbardhjen e rastit dhe identifikimin e personave të dyshuar./arbresh.info/