Ka nsiur sot procesi gjyqësor ndaj katër të akuzuarve për vrasjen e Liridona Ademajt.

Lidhur me këtë, ministrja e Drejtësisë, Albulena Haxhiu tha se ky proces është i rëndësishëm për të vendosur përgjegjësi mbi krimet e rënda teksa theksoi se do ta ndjekë me vëmendje çdo hap, përcjell Arbresh.info

“Sot ka nisur procesi gjyqësor ndaj të akuzuarve për vrasjen e të ndjerës Liridona Ademaj, një ngjarje tragjike që na tronditi dhe pikëlloi të gjithëve. Ky proces është i rëndësishëm jo vetëm për të vendosur përgjegjësinë për krimin e rëndë, por edhe për të dërguar një mesazh të fuqishëm kundër femicidit. Do të ndjekim me vëmendje çdo hap të këtij procesi dhe urojmë që drejtësia të triumfojë, duke u siguruar që ata që janë përgjegjës të marrin dënimin maksimal për krimin rëndë”, ka shkruar Haxhiu.

Seanca për të akuzuarit për vrasjen e Liridona Ademajt është shtyrë për datën 31 janar, pasi prokurorja e rastit tha se s’janë plotësuar kushtet për t’u mbajtur seanca e sotme.

LEXO EDHE:

Sot fillon gjykimi për vrasjen e Liridona Ademajt