Një gjuajtje me armë zjarri ka ndodhur pak minuta më parë në kryeqytet.

Arbresh.info ka kontaktuar Policinë e Kosovës për të mësuar detajet rreth këtij rasti.

Zyrtari për informim në Policinë e Kosovës, Bajram Krasniqi ka bërë të ditur se ngjarja ka ndodhur rreth orës 21:50 të Posta kryesore në Prishtinë, dhe se deri më tani ende nuk dihet nëse ka të lënduar.

Sipas tij. Në vend-ngjarje ka dalur policia, e cila ka konfirmuar se një veturë është dëmtuar nga gjuajtja me armë.

“Sonte rreth orës 21:50, tek posta kryesore në Prishtinë ka pasur gjuajtje me armë zjarri. Policia ka dalë në vend-ngjarje, një veturë është dëmtuar, për momentin nuk kemi informata për persona të lënduar. Policia po e trajton rastin dhe për të informacione tjera u njoftojmë me kohë”, ka thënë Krasniqi për arbresh.info.