Gjuajtje me armë, plagoset një person në lagjen “Dardania” në Prishtinë

13:01 | 9 Shkurt 2021
Gita

Një person është plagosur me armë zjarri në lagjen “Dardania” në Prishtinë.

Zëdhënësja e Policisë së Kosovës për rajonin e Prishtinës, Flora Ahmeti i ka thënë arbresh.info se rasti ka ndodhur sot rreth orës 12:30 në rrugë “Xhemajl Mustafa” në Prishtinë.

“Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore, të mbështetura edhe nga njësiti rajonal për hetimin e krimeve si dhe njësitë e tjera për ekzaminim të vendngjarjes. Bazuar në të dhënat fillestare në këtë vend është plagosur 1 person. I njëjti është dërguar për tretman mjekësor”, ka thënë Ahmeti.

Sipas saj, aktualisht hetuesit policor kanë nisur një hetim për identifikimin e personit të dyshuar si dhe sqarimin e të gjitha rrethanave që lidhen me rastin. /arbresh.info/