Zyrtari i Partisë Demokratike të Kosovës, Betim Gjoshi ka reaguar ndaj deklaratës së zv/kryeministrit Besnik Bislimi i cili tha se ka 2-3 muaj që po tentohet të gjendet një kompani e përgjegjshme për rehabilitimin e bllokut A-5 në KEK, mirëpo që një gjë e tillë nuk po arrin të bëhet.

Gjoshi, përmes një postimi në rrjetin social Facebook, ka thënë se kjo nuk është aspak e vërtetë, shkruan arbresh.info/

Kjo pasi që sipas tij, s’ka mungesë të kompanive të papërgjegjshme, por që vetë Qeveria është e tillë.

Madje kryeministrin Kurti, ai e quan “Albin Kriza”.

Postimi i plotë:

Zëvendësi i Kurtit, Besnik Bislimi që po çuditë Evropën me rritje ekonomike të Kosovës, paska thënë: “Ka 2-3 muaj që po kemi telash me e gjet një kompani të përgjegjshme, e cila e rehabiliton bllokun A-5”.

Jo z. Bislimi, nuk ka mungesë të kompanive të përgjegjshme, por ju jeni të papërgjegjshëm.

Shefi yt, Albin Kurti është i papërgjegjshëm përballë krizës ekonomike e energjetike të Kosovës.

Albin Kurti është Albin Kriza.

Ju jeni një Qeveri e të papërgjegjshmëve përballë qytetarëve që ua kanë dhënë votën t’i përfaqësoni dhe t’iu shërbeni edhe në kohë të krizave. Sidomos në kohë të krizave.

Ju nuk keni zgjidhje për problemet e qytetarëve, por vetëm fjalë boshe./arbresh.info/