Ad Banner
Ad Banner
Ad Banner
Ad Banner

Gjendja në veri, patrulla të KFOR-it vendosen në Zveçan

15:08 | 26 Maj 2023
Emir Abduramani

Dy patrulla të KFOR-it janë vendosur tek ura e Zveçanit.

Nga fotografitë e Arbresh.info shihet se ato janë vendosur tek ura e Zveçanit, dhe po qëndrojnë në gjendje gatishmërie.

Në këtë komunë sot ka pasur tensione ku qytetarë të shumtë serbë janë mbledhur para objektit të komunës, për të mos e lejuar kryetarin e ri Ilir Peci që të hyjë në objekt, pasi e mori detyrën dje.

Gjithsesi, Peci veçse ka hyrë në brendi të objekteve, për ta ushtruar detyrën sipas ligjeve në fuqi.

Është raportuar se aty ka pasur përleshje mes protestuesve dhe Policisë, teksa ka pasur të shtëna me armë dhe hedhje të gazit lotsjellës, kurse serbët kanë djegur një veturë të Policisë së Kosovës.

Ata kanë bllokuar edhe hyrje daljet e Leposaviqit, përmes barrikadave të vendosura me kamionë.

Arbresh.info do ju mbajë të informuar në lidhje me çdo gjë që ndodh në atë pjesë të vendit./Arbresh.info

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm