Një mjet i dyshuar shpërthyes është zbuluar të shtunën në Kaçanik gjatë punimeve me ekskavator.

Rasti është raportuar më 26 prill, rreth orës 13:27, shkruan Arbresh.info.

Sipas raportit të policisë, gjatë gërmimeve është hasur në një mjet që dyshohet të jetë i rrezikshëm. Menjëherë pas raportimit, njësitë relevante policore kanë dalë në vendin e ngjarjes dhe kanë siguruar perimetrin përreth.

Për të garantuar sigurinë dhe për të trajtuar mjetin e dyshuar, në vendin e ngjarjes ka intervenuar edhe njësiti për deminim i KFOR-it.

“GJETJE E MJETIT TË DYSHUAR Kaçanik/ 26.04.2025-13:27. Është raportuar se gjatë gërmimeve me ekskavator është hasur në një mjetë të dyshuar shpërthyes. Njësitë relevante policore kanë siguruar vendin e ngjarjes po ashtu në vendin e ngjarjes ka dal edhe njësiti për deminim i KFOR-it.”, thuhet në njoftimin e policisë./Arbresh.info/