Gërvalla thotë se LDK-ja kishte arsye ta votonte, Guri reagon ashpër: E paaftë, zero njohje gjatë mandatit si ministre

13:12 | 22 Gusht 2025
E.K

Deputetja e Lëvizjes Vetëvendosje, Donika Gërvalla, e cila të mërkurën nuk arriti të marrë votat e partive opozitare për t’u zgjedhur kryetare e Kuvendit, ka deklaruar se së paku deputetët e Lidhjes Demokratike të Kosovës – partia ku ajo ka qenë më parë – do të duhej të kishin më shumë se një arsye për ta votuar.

Kjo deklaratë ka nxitur reagimin e deputetit të LDK-së, Paris Guri, i cili ka kundërshtuar ashpër Gërvallën, duke listuar publikisht disa arsye pse, sipas tij, ajo nuk meritonte votën e deputetëve të kësaj partie.

Në një postim në rrjete sociale, Guri e ka quajtur Gërvallën “të paaftë” dhe ka theksuar se gjatë mandatit të saj si ministre e Punëve të Jashtme nuk ka sjellë asnjë njohje të re për Kosovën./Arbresh.info