Ministrja në detyrë e Punëve të Jashtme, Donika Gërvalla, ka thënë se Serbia, në vend që të arrestojë dhe ekstradojë Radoiçiqin dhe të gjithë përgjegjësit e tjerë, para disa ditësh arrestoi ish-zyrtarin policor Arbnor Spahiu, teksa udhëtonte drejt Kosovës me familjen e tij, nën pretendimin se kishte qenë i përfshirë në parandalimin e sulmit në Banjskë.

Sipas kryediplomates në detyrë, Arbnor Spahiu jo vetëm që nuk ishte pjesë e Policisë së Kosovës që nga viti 2022, por ky arrestim, sipas saj, edhe njëherë konfirmon faktin që shteti serb qëndron pas sulmit të Banjskës.

“Megjithatë, në vend që të arrestojë dhe ekstradojë Radoiçiqin dhe të gjithë përgjegjësit e tjerë, Serbia para disa ditësh arrestoi ish-zyrtarin policor Arbnor Spahiu, teksa udhëtonte drejt Kosovës me familjen e tij, nën pretendimin se kishte qenë i përfshirë në parandalimin e sulmit në Banjskë. Arbnor Spahiu jo vetëm që nuk ishte pjesë e Policisë së Kosovës që nga viti 2022, por ky arrestim edhe njëherë konfirmon faktin që shteti serb qëndron pas sulmit të Banjskës”, ka shkruar Gërvalla.