Deputeti i LDK-së, Arben Gashi ka reaguar pasi në seancën e 38-të të konstituimit të Kuvendit dështoi formimi i komisionit për votim të fshehtë.

Gashi tha se Gjykata Kushtetuese e ka konfirmuar se zgjedhja e kryetarit të Kuvendit duhet të bëhet me votim të hapur dhe sipas tij, çdo mënyrë tjetër e votimit është antikushtetuese.

“Gjykata Kushtetuese ka konfirmuar qartë: zgjedhja e kryetarit/es të Kuvendit bëhet me votim të hapur, sipas rregullores dhe praktikës së deritanishme. Çdo ndryshim i kësaj procedure mund të ndodhë vetëm me mocion të posaçëm, të miratuar nga dy të tretat e deputetëve të pranishëm dhe që marrin pjesë në votim. Çdo përpjekje për të vendosur mënyrën e votimit në mënyrë arbitrare nga kryesuesi i seancës është jo vetëm e papranueshme, por edhe antikushtetuese dhe cenon parimet themelore të demokracisë”, ka shkruar Gashi në facebook./Arbresh.info