Zëvendëskryeministri Besnik Bislimi ka reaguar pasi Prokuroria Speciale i ka bërë ftesë kryeministrit të vendit, Albin Kurti në cilësinë e dëshmitarit.

Me anë të një postimi në Facebook, Bislimi ka ironizuar me prokurorin duke thënë se fushata fillon në janar, përcjell Arbresh.info

“Pse kjo nguti i nderuar prokuror? Fushata fillon ne janar”, tha Bislimi.
Ndryshe, zëdhënësi i Qeverisë së Kosovës, Përparim Kryeziu njoftoi se përmes ftesës së Prokurorisë Speciale, po tentohet të ndihkohet në zgjedhjet e 2025-tës.

“Në zgjedhjet e kaluara kishte një vendim gjyqësor i cili ia kishte pamundësuar kandidimin në garën zgjedhore të 14 shkurtit 2021, kurse tash përmes kësaj ftese po tentohet ndikimi në rezultatin e zgjedhjeve të 2025. Qëllimi mbetet i njëjtë. Metoda ka ndryshuar. Kjo është ndërhyrje e sistemit të drejtësisë në proces zgjedhor”, ka thënë Kryeziu./Arbresh.info

LEXO EDHE:

Prokuroria Speciale thërret për intervistim kryeministrin Kurti