Disa automjete të Forcës së Sigurisë së Kosovës (FSK) janë parë paraditen e së enjtes në pjesën veriore të Mitrovicës, ngjarje që ngjalli reagime dhe raportime të menjëhershme.

FSK ka sqaruar përmes një komunikate zyrtare se bëhet fjalë për një gabim në drejtimin e lëvizjes së konvojit, i cili ishte nisur nga Istogu drejt kazermës së FSK-së në Mitrovicë.

“Forca e Sigurisë së Kosovës njofton publikun që sot me datë 16.10.2025 në ora 10:30, gjatë lëvizjes së konvojit të FSK-së nga Istogu për në kazermën e FSK-së në Mitrovicë, pjesëtarët e FSK-së me automjete e kanë ngatërruar drejtimin e lëvizjes”, thuhet në njoftimin e FSK-së.

Ngjarja është konfirmuar edhe nga zëvendësdrejtori i Policisë së Kosovës për rajonin e veriut, Veton Elshani, i cili tha se pjesëtarët e FSK-së kishin hyrë gabimisht në Mitrovicën e Veriut duke menduar se ndodheshin në jug./Arbresh.info