FSK-ja ndërmerr aksion për pastrimin e fshatit Plemetin

21:12 | 21 Prill 2015
M. A.

Komandanti i Forcës së Sigurisë së Kosovës(FSK), gjenerallejtënant Rrahman Rama së bashku me kryetarin e komunës së Kastriotit Xhafer Gashi, dhe zëvendës ministrin e Ministrisë së Mjedisit dhe Planifikimit Hapësinor, Ferat Shala kanë vizituar sot fshatin Plemetin të komunës së Kastriotit, ku në mënyrë simbolike filluan aksionin e pastrimit të ambientit në shënimin e “Ditës së Tokës”.

Me këtë rast, komandanti i FSK-së, ka përgëzuar pjesëtarët e xhenios të FSK-së, të cilët janë angazhuar në pastrimin e ambientit të fshatit Plemetin të banuar edhe me pjesëtarë të komunitetit serbë, romë, etj.

Kryetari i Kastriotit falënderoi angazhimin e FSK-së, në ndihmë komunës së tij.

FSK-ja në pastrimin e ambientit në fshatit Plemetin dhe Babin Most ka angazhuar në terren 2 ngarkues dhe gjashtë kamionë me gjithsej 12 pjesëtarë të FSK-së, të cilët kanë bërë pastrimin e dy vendeve të mbeturinave. Ky aktivitet është realizuar edhe në bashkëpunim me komunën e Kastriotit.