Formimi i Qeverisë dhe konstituimi i Kuvendit parakusht për zgjedhjen e Presidentit, thotë Kurti

10:19 | 31 Dhjetor 2025
E.K

Kryeministri në detyrë, Albin Kurti, ka bërë të ditur se së shpejti do të takojë Presidenten e Kosovës, Vjosa Osmani, për të diskutuar për hapat e mëtejshëm pas zgjedhjeve.

Ai theksoi se përpara se të vendoset për zgjedhjen e Presidentit, duhet të konstituohet Kuvendi dhe të formohet Qeveria e re.

“Ne së pari do të presim certifikimin e rezultati, duhet të konstitutohet Kuvendi dhe duhet ta shohim përbërjen e legjislaturës së dhjetë dhe më pastaj të ecim tutje. Por ashtu siç kam thënë sot është dita e fundit e vitit 2025, shpejt do ta takojë presidenten Osmani dhe duhet të bisedojmë njëherë bashkë për rrugën përpara. Por keni parasysh se njëherë është kontituimi i Kuvendit, formimi i Qeverisë dhe vetëm më pas është zgjedhje e presidentes apo presidentit”, theksoi Kurti.