Ministri në detyrë i Financave, Hekuran Murati ka reaguar pasi edhe Fondi Monetar Ndërkombëtar ka hequr Kosovën nga lista e Shteteve Fragjile dhe në Situatë Konflikti.

Përmes një postimi në Facebook, Murati tha se ky lajm është i shumëpritur dhe vulos punën e deritanishme të institucioneve tona.

“Pas Bankës Botërore që ndërmorri këtë veprim gjatë javës së kaluar, dje kemi pranuar njoftimin edhe nga Fondi Monetar Ndërkombëtar për largimin e Kosovës nga lista e Shteteve Fragjile dhe në Situatë Konflikti që FMN e përpilon. Ky është lajm i shumëpritur dhe përsëri vulos stabilitetin institucional dhe qëndrueshmërinë ekonomike të vendit, dhe njëkohësisht është mirënjohje për punën e deritanishme të institucioneve tona”, tha Murati./Arbresh.info

LEXO EDHE:

Pas Bankës Botërore, edhe FMN largon Kosovën nga Lista e Vendeve në Situata të Brishta