Edhe sot është duke vazhduar aksioni i Prokurorisë Themelore në Ferizaj në rastin e njohur “Brezovica”.

Prokurori i rastit, Rasim Maloku për arbresh.info ka bërë të ditur detajet e aksionit të sotëm.

Ai tha se sot po vazhdon aksioni në zonën e dytë ende nuk ka filluar sekuestrimi, ndërsa pritet që sot gjatë ditës të përfundojë.

“Sot është duke vazhduar aksioni edhe në zonën e dytë. Dje nuk ka mundur të përfundojë për shkak të kushteve atmosferike, ndërsa sot besojmë se do të përfundojë aksioni i zonës së dytë dhe pastaj shohim për veprimet e mëtutjeshme”, u shpreh Maloku.

Prokurori po ashtu bëri të ditur se aksioni do të vazhdojë deri sa të sekuestrohen të gjitha shtëpitë e zonës së dytë në Parkun Kombëtarë “Sharri”. Kasim Gërbeshi/arbresh.info/

LEXO EDHE

Aksioni “Brezovica”, vazhdon edhe sot sekuestrimi i vilave – Arbresh.info