Ish komandanti i zonës se Drenicës, Sami Lushtaku është liruar nga burgu i sigurisë së lartë.

Ai me të dalë nga burgu është pritur nga familjarët e tij dhe të afërm.

Ai para mediave tha se “Po me duket po dal prej një burgu, por po hyj në një burg tjetër”.

“Ju gazetarët më se miri e dini çka do të thotë drejtësia në Kosovë, dhe kërkesa e jonë  ka qenë që të ketë drejtësi në Kosovë. Po me duket po dal prej një burgu, por po hyj në një burg tjetër. Emocionet janë në kulm” tha Lushtaku i emocionuar.

Ai është shprehur i brengosur për shokët e tij të grupit Drenica të cilët akoma ndodhën në burg.

Në anën tjetër avokati i tij mbrojtës, Arianit Koci, ka thënë se edhe një herë u dëshmua se lufta e UÇK-së, ishte një luftë e drejt. Koci po ashtu bëri me dije se Lushtaku ka kërkuar që menjëherë pas lirimit të tij të shkoj në Prekaz dhe të bëj homazhe pranë varrit të Adem Jasharit.

“ Me dëshirë të zotit Lushtaku, ai ka vendosur që së pari të bëj homazh në varrin e komandanit legjendar Adem Jashari”, deklaroi Koci.

/Arbresh.info