Ministri i Mbrojtjes, Armend Mehaj, ka njoftuar se sot ka nisur testimi fizik i grupit të parë të të rinjëve që kanë aplikuar në konkursin e fundit për pranimin e 612 pjesëtarëve të rinj të FSK-së.

Ai tha se ishte kënaqësi t’i shohë të rinjtë që kanë vullnet t’i bashkohen FSK-së.

“Ministria e Mbrojtes si institucion dhe FSK si organizatë, u garanton proces transparent, të monitoruar nga instruktorët e FSK-së, përfaqësuesit e Zyres Ndërlidhëse të NATO-s, organizatat joqeveritare, si dhe mediet, duke mundësuar kështu raportim në kohë reale, e përzgjedhjen e më të mirëve” ka thënë mes të tjerash Mehaj.

Ky është postimi i plotë i tij:

Sot filloi testimi fizik i grupit të parë të të rinjëve të cilët kanë aplikuar në konkursin për pranimin e 612 pjesëtarëve aktiv në Forcën e Sigurisë së Kosovës, dhe 388 pjesëtarëve të komponentës rezervë, me ç’rast vizitova Qendrën e Palestrës së Sporteve në kazermën “Adem Jashari”, për të parë nga afër procesin e testimit, si dhe u urova të gjithë kandidatëve suksese.

Është vërtetë kënaqësi teksa sheh të rinj e të reja që me kaq vullnet mezi presin t’i bashkohen Forcës së Sigurisë së Kosovës.

Ministria e Mbrojtes si institucion dhe FSK si organizatë, u garanton proces transparent, të monitoruar nga instruktorët e FSK-së, përfaqësuesit e Zyres Ndërlidhëse të NATO-s, organizatat joqeveritare, si dhe mediet, duke mundësuar kështu raportim në kohë reale, e përzgjedhjen e më të mirëve.

Forca e Sigurisë së Kosovës është Forcë që synon shërbimin në NATO, andaj dhe ushtarët tanë janë të nivelit të tillë. Më të mirët për t’i shërbyer aleancës më të suksese! /arbresh.info/