Organizuar nga BPrAL “qeap-heimerer’’ dhe Instituti i Evropës Juglindore për Avancime në Shëndetësi dhe Infermieri sot ka filluar Simpoziumi i VII-të Ndërkombëtar i Shkencave Shëndetësore me temë “Shëndetësia e Avancuar – Klienti në Qendër”.

Në kuadër të këtij simpoziumi sot është mbajtur tryeza me ekspertë vendorë dhe ndërkombëtarë me temën: Rritja e kompetencave të punës përmes migrimit të qarkullueshëm në sektorin e shëndetësisë në Swiss Diamond Hotel, transmeton arbresh.info.

Ndërsa nesër do të mbahet një tryeza tjetër me temën: Zbatimi i profileve te punës/standardit profesional.

ky aktivitet edhe këtë vit është akredituar nga Ministria e Shëndetësisë.

Instituti i Evropës Juglindore për Avancime në Shëndetësi dhe Infermieri (IEJL ASHI) u themelua me qëllim të ballafaqimit dhe gjetjes së zgjidhjeve karshi çështjeve dhe problemeve urgjente në fushën e shëndetësisë dhe infermierisë në vendet e Evropës Juglindore.