Fillon seanca ndaj ish-krerëve të UÇK-së, sot dëgjohen dëshmitarët

09:53 | 11 Prill 2023
Emir Abduramani

Ka filluar gjykimi ndaj ish-krerëve të Ushtrisë Çlirimtare të Kosovës.

Në gjykimin e sotëm fillon dëgjimi i dëshmitarëve nga Zyra e Prokurorisë Speciale.

Seanca të tilla pritet të ketë më 12 dhe 13 prill. Seanca pritet të ketë më pas më 17, 18, 19 dhe 20 prill.

Hashim Thaçi, Kadri Veseli, Rexhep Selimi dhe Jakup Krasniqi po qëndrojnë në paraburgim në Hagë prej nëntorit të vitit 2020.

Ata po akuzohen nga Zyra e Prokurorit të Specializuar me akuza për krime kundër njerëzimit, si përndjekje, burgosje, akte çnjerëzore, torturë, zhdukje dhe vrasje, si dhe me 4 pika për krime lufte si arrestim, ndalim arbitrar, torturë dhe vrasje të paligjshme.

Sipas aktakuzës këto krime janë kryer në territore të ndryshme të Kosovës dhe Shqipërisë, si në Likoc, Jabllanicë, Llapushnik, Drenoc, Malishevë, Bajgorë, Majac, Zllash, Kleçkë, Kukës dhe Rahovec./Arbresh.info

KLIKO KËTU për ta parë live seancën