”Festo me zemër, jo me armë”, sot në Merdare aktivitet me mërgimtarët

10:49 | 25 Korrik 2023
A Z

Ministria e Punëve të Brendshme në kuadër të fushatës “Festo me zemër, jo me armë” ka mbajtur sot një aktivitet me mërgimtarët.

Ani pse erdhën nga një rrugë shumë e gjatë ata nuk hezituan të ndalen për të mësuar më shumë rreth fushatës.

Koordinatori Nacional për Armët e Vogla dhe të Lehta, njëherit zv.ministër i Punëve të Brendshme, Blerim Gashani, tha se kjo fushatë ka për qëllim në vetëdijesimin e qytetarë.

“Jemi këtu sot për të përçuar porosinë për parandalimin e të shtënave festive, qëllimi ynë është të parandalohen këto të shtëna, se të shtënat janë vepër penale dhe dënohet me ligj”, deklaroi ai.

Tuje ai tha gjatë këtyre dy muajve ka shumë ahengje familjare, dhe përmes mërgimtarëve mundohemi ta parandalojmë.

Kurse mërgimtarët u shprehën të gatshëm që të ndihmojnë në parandalimin e të shtënave me armë, duke shtuar se gjuajtja me armë i përket të së kaluarës.