Si pasojë e reshjeve të dendura, shumë zona të Gjakovës janë përfshirë nga vërshimet.

Sipas njoftimit, Ekipet e Njësisë së Zjarrfikësve janë në terren që nga orët e hershme të mëngjesit, duke intervenuar pa ndërprerë për t’u ardhur në ndihmë qytetarëve të prekur.

Ndërhyrjet përfshijnë evakuimin e banorëve nga zonat e rrezikuara, sigurimin e objekteve dhe menaxhimin e situatave emergjente, me prioritet mbrojtjen e jetës dhe sigurisë së qytetarëve.
Ekipet tona mbeten në gatishmëri të plotë dhe do të vazhdojnë intervenimet sipas nevojës, në koordinim me institucionet përkatëse.

“I ftojmë qytetarët që për çdo rast emergjent të kontaktojnë numrat zyrtarë 193 ose 112 dhe të ndjekin udhëzimet e autoriteteve.
Solidaritet, përgjegjësi dhe kujdes. Jemi në shërbim të qytetarëve.”, thuhet në njoftim./Arbresh.info