Erdogan uron presidenten Osmani

21:00 | 5 Prill 2021

Presidenti i Turqisë Recep Tayyip Erdoğan ka uruar Vjosa Osmanin për zgjedhjen presidente e vendit.

Erdogan ka biseduar me Osmanin në telefon ku kanë diskutuar lidhur me çështjet rajonale dhe marrëdhëniet në mes të Kosovës dhe Turqisë.

Erdogan thotë të ketë theksuar konstruktivitetin e deputetëve të komunitetit turk në procesin e zgjedhjes së institucioneve të reja të Kosovës.

“Shpreha bindjen se miqësia historike dhe vëllazërore në mes të dy vendeve do të vazhdojë forcohet”, thotë Erdogan.

Ish-kryeministri turk theksoi në bisedë me të parën e shtetit të Kosovës se bashkëpunimi në shumë fusha në mes të Turqisë dhe Kosovës do t’i kontribuonte stabilitetit dhe prosperitetit të Ballkanit.

Vjosa Osmani u zgjodh më 4 prill presidente. Ajo mori besimin e 71 deputetëve në legjislaturën e tetë të Kuvendit në Kosovë.

Shpërndaje në rrjete sociale

Lajmet më të lexuara