Zëvendëskryeministri i parë në detyrë për Integrim Evropian, Zhvillim dhe Dialog i Kosovës, Besnik Bislimi, priti në takim Përfaqësuesin e Posaçëm të Bashkimit Evropian për dialogun Kosovë-Serbi, Peter Sørensen.

Zyra e Kryeministrit përmes një komunikate për media ka dhënë detaje rreth diskutimeve gjatë takimit, përcjell Arbresh.info.

Ky ishte takimi i dytë mes tyre në Prishtinë, pas atij të mbajtur muajin e kaluar.

“Biseduan rreth zbatimit të marrëveshjeve të ndryshme të nivelit teknik, e më tej u theksua edhe rëndësia e fillimit të diskutimeve të zbatimit të marrëveshjes së Brukselit dhe Aneksit Implementues të Ohrit në kuadër të procesit të dialogut”, thuhet në njoftimin e ZKM-së.
Bislimi e falënderoi emisarin Sørensen për takimin e bisedën si dhe bashkëpunimin mes tyre./Arbresh.info

LEXO EDHE:

Sorensen përfundon takimin me Bislimin, niset për në Beograd

Komandanti i KFOR-it takon Sorensenin, diskutojnë për situatën e sigurisë në Kosovë