Në cilësinë e Nënkryetarit të LDK-së dhe Kryetarit të Komunës së Pejës Gazmend Muhaxheri i ka dhënë mbështetje nismës dhe kërkesës për kategorizim në shpërblim për gazetarët, fotoreporterët dhe kameramanët nga ana e Qeverisë në detyrë, krahas personelit Mjekësorë, Policëve, zjarrëfikësve.

I pyetur për kërkesën, ditë më parë të Deputetit të AAK-së Ali Berisha, që gazetarët të kategorizohen në shpërblim me Mjekët, policët, zjarrëfikësit, kërkesë kjo e nxjerrë më pas për ministrin në detyrë të Financave Besnik Bislimin dhe nga ana e AGK-së e edhe nga IMK-ja, Muhaxheri tha se është nismë që ja vlen.

“Jam për këtë nismë dhe mbështetje, e përkrahi me të gjitha mundësitë dhe e meritojnë. Edhe ata po i shohim kudo në zonat e krizës.”-tha Muhaxheri në ‘RADIO 1’.

Muhaxheri tutje shtoi se me modesti do të shtrijë mbështetjen e tij edhe tek Grupi Parlamentar i LDK-së për një gjë të tillë.

“Po edhe tek ata (grupi parlamentar i LDK-së do ushtrojë ndikimin tim. Pse jo.”-shtoi Muhaxheri.