Deputeti nga radhët e AAK-së, Gani Dreshaj, ka ironizuar me grevën e punëtorëve të arsimit, shëndetësisë dhe shërbyesve civilë, transmeton inFokus.

Ai këto greva nga sindikatat i ka qujatur se janë me prapavija politike, ku nuk meritojnë të udhëheqin me fatin e punëtorëve të Kosovës.

Sipas tij shteti nuk bëhet me shantazhe dhe këso veprime, kështu sipas tij nuk bëhet shteti i Kosovës.

Dreshaj ka folur edhe për kalimin e buxhetit dhe kushtet që i ka vënë PSD’ja, duke i quajtur arsye të ndryshme këto kushte.

Postimi i plotë:

“Po nis një javë e re me tituj:

-Arsimi s’e ndalë grevën, duam paga edhe më të larta

-Kardiokirurgët, greva nuk ndalet, nuk dorëzohemi

-Doganat, do të futemi në grevë, meritojmë më shumë

-Shërbyesit civil, edhe ne do të futemi në grevë

-Ndërkohë, dikush vë kushte me mosvotim buxheti për arsye të ndryshme!

Nuk bëhet shteti me shantazhe.

Sindikatat me prapavijë politike dhe njerëzit e papërgjegjshëm në krye të tyre nuk e meritojnë të udhëheqin me fatin e mijëra punëtorëve që e duan Kosovën si shtet”.