Drejtori i Urbanizimit në Ferizaj: Arrestimet nuk kanë të bëjnë me qeverisjen e Agim Aliut

23:27 | 20 Shtator 2023
E.H

Arbër Bytyqi, drejtor në Drejtorinë e Urbanizmit dhe Mjedisit, në Komunën e Ferizajt ka bërë të ditur se zyrtari komunal i arrestuar nga

Policia e Kosovës të mërkurën për keqpërdorim të detyrës zyrtare, lidhet me projektin e vitit 2016 për rregullimin e stadiumit “Ismet Shabani” në Ferizaj.

“Dyshimet mbi të cilat është bërë arrestimi i zyrtarit komunal të lartcekur, janë për një investim të vitit 2016, pra të qeverisjes së kaluar në kohën kur komuna udhëhiqej nga Muharrem Sfarça i LDK-së”, tha Bytyqi në RTK.

Lexo edhe:

Arrestohet zyrtari komunal dhe përfituesi i një tenderi në Ferizaj, i shkaktuan dëme shtetit mbi 67 mijë euro

Ndryshe, sot është arrestuar një arkitekt në komunën e Ferizajt pasi dyshohet se ka keqpërdorur detyrën zyrtare.

S.B., dyshohet se si menaxher i caktuar i një projekti ka nënshkruar situacionet dhe një aneks kontratë pa bërë verifikimin e punëve të kryera në teren, duke i mundësuar përfitim material fituesit të tenderit H.H., përcjell Arbresh.info.