Zyra e Bashkimit Evropian (BE) në Kosovë po kërkon vlerësime fiskale të duhura të Projektligjit në mënyrë që të ruajë qëndrueshmërinë fiskale, duke e cilësuar Draftligjin si ambicioz dhe me implikime buxhetore. Sipas tyre, Draftligji aktual është shumë ambicioz në shtrirjen e tij dhe do të ketë shumë implikime buxhetore, shkruan sot Gazeta “Zëri”.

Zyra e Bashkimit Evropian (BE) në Kosovë po kërkon vlerësime fiskale të duhura të Projektligjit në mënyrë që të ruajë qëndrueshmërinë fiskale, duke e cilësuar Draftligjin si ambicioz dhe me implikime buxhetore.

Kështu thuhet në përgjigjen me shkrim që ky institucion ka dhënë për gazetën “Zëri”.

“Draftligji është shumë ambicioz në shtrirjen e tij dhe do të ketë shumë implikime buxhetore. Në këtë aspekt është e rëndësishme të bëhet një vlerësim fiskal impakt dhe i duhur dhe që të mbetet qëndrueshmëria fiskale e Kosovës, një shqetësim të cilin ne e ndajmë me palët e interesit dhe me partnerët ndërkombëtarë”, bëhet e ditur në përgjigjen me shkrim të Zyrës së Bashkimit Evropian në Kosovë.