Zbulohen preparate të padeklaruara për trajtimin e flokëve në vlerë rreth 13 mijë euro

17:10 | 9 Mars 2026
E.G

Zyrtarët doganorë në Doganën e Kosovës kanë zbuluar mallra të padeklaruara me vlerë rreth 13 mijë euro gjatë një kontrolli të detajuar të një dërgese në Zyrën Doganore në Prishtinë.

Sipas njoftimit, gjatë kontrollit janë identifikuar preparate për trajtimin e flokëve pas implantit, të cilat nuk ishin përfshirë në dokumentacionin përkatës doganor, shkruan Arbresh.info.

Pas verifikimeve të kryera nga zyrtarët doganorë, mallrat janë ndaluar dhe konfiskuar në përputhje me procedurat ligjore në fuqi.

Autoritetet doganore bëjnë të ditur se rasti është trajtuar në bazë të dispozitave të legjislacionit doganor, me qëllim të parandalimit të shmangies nga detyrimet doganore dhe luftimit të aktiviteteve të paligjshme në tregti.

Dogana e Kosovës theksojnë se veprime të tilla dëshmojnë përkushtimin e institucionit për forcimin e kontrolleve doganore, mbrojtjen e konkurrencës së ndershme në treg dhe parandalimin e hyrjes së mallrave të padeklaruara në tregun e vendit.