Kandidati për kryetar të Prishtinës nga radhët e LVV-së, Hajrullah Çeku ka vizituar disa fshatra të kryeqytetit.

Sipas Çekut, Sinidolli, Milevci, Truda dhe Bardhoshi, përballen me të njëjtat mungesa elementare si mungesë e rrugëve kualitative, kanalizimit, mbeturinave, ndriçimit publik, ujit të pijshëm, transportit publik gjithpërfshirës, çerdheve e shkollave, transmeton Arbresh.info

“Në secilin fshat të Prishtinës që shkojmë gjatë vizitave tona, ndjenja është e njejtë. Është përjetim i braktisjes. Sinidolli, Milevci, Truda dhe Bardhoshi, përballen me të njejtat mungesa elementare: mungesë e rrugëve kualitative, kanalizimit, mbeturinave, ndriçimit publik, ujit të pijshëm, transportit publik gjithpërfshirës, çerdheve e shkollave”, ka shkruar Çeku në llogarinë e tij në Facebook.

Ai është zotuar se fshatrave të Prishtinës do t’ua kthej standardin e jetës me të gjitha kushtet e nevojshme.

“Punët tona janë të qarta, hapat janë konkretë. Fshatrave të Prishtinës do t’i kthehet standardi i jetës me të gjitha kushtet e nevojshme, ashtu që agroturizmi të merr hov, zhvillimi ekonomik të jetë i pandalshëm, e jeta e fshatit të bëhet më atraktive jo vetëm për banorin, por edhe për turistin”, tha Çeku./Arbresh.info