DnV: Nivel i kënaqshëm i respektimit të masave anti-covid

12:12 | 17 Tetor 2021

Sipas raportimeve të vëzhguesve të Demokracisë në Veprim (DnV) procesi i votimit deri në mesditë po shoqërohet me pjesëmarrje të ulët të qytetarëve në votim, me përjashtim të komunave në veri të vendit, ku mesatarja e daljes është 𝟑 𝐡𝐞𝐫𝐞̈ 𝐦𝐞 𝐞 𝐥𝐚𝐫𝐭𝐞̈ krahasuar me komunat tjera.

Deri më tani, është raportuar për nivel të kënaqshëm të respektimit të masave anti-covid nga ana e komisionerëve (𝟕𝟑%) dhe qytetarëve që po frekuentojnë qendrat e votimit është (𝟕1%).

Vështirësitë në gjetjen e emrit në Listën e Votuesve janë të shprehura edhe në këto zgjedhje. Deri në këtë kohë, në më shumë se 1/3-tën e vendvotimeve në nivel vendi është raportuar për 1 deri në 10 raste kur qytetarët nuk e kanë gjetur emrin në Listën e Votuesve.

Edhe sa i përket votimit me asistencë, ky fenomen është hasur në rreth 𝟕𝟑% të vendvotimeve, por numri i rasteve sillet brenda trendeve normale (1-10 raste).

Deri më tani janë raportuar raste të asistencës së palejuar.

Vëzhguesit nuk kanë raportuar për raste të ushtrimit të presionit tek votuesit dhe nuk kanë evidentuar prani të zyrtarë të lartë politikë në Qendra të votimit.

Vlen të përmendet që edhe ky proces po karakterizohet nga mbulueshmëri e lartë mediale./arbresh.info/

Dalje më e ulët në zgjedhje krahasuar me ato të vitit 2017

Shpërndaje në rrjete sociale

Lajmet më të lexuara