Dita e fëmijëve, Haradinaj: Është detyrë e jona t’i mbrojmë nga çdo lloj abuzimi e dhune

18:13 | 1 Qershor 2025
E.G

Kryetari i Aleancës për Ardhmërinë e Kosovës (AAK) , Ramush Haradinaj i ka uruar fëmijët me rastin e 1 Qershorit- Ditës Ndërkombëtare të Fëmijëve.

Me anë të një postimi në Facebook ku ka postuar fotografi, kreu i AAK-së thotë se fëmijët janë motivi i përpjekjeve tona jetësore, shkruan Arbresh.info.

Më tej, Haradinaj shprehet se është detyrë e secilit t’ua sigurojë lirinë dhe mbrojtjen nga çdo lloj abuzimi e dhune.

“Realizimi i ëndrrave dhe shpresave të fëmijëve është suksesi më madhor yni si shoqëri e shtet, sepse ata janë motivi i përpjekjeve tona jetësore. Është detyrë e jona të sigurojmë lirinë, sigurinë dhe edukimin e tyre, mbrojtjen e tyre nga çdo lloj abuzimi e dhune. Të dashur fëmijë, gëzuar 1 Qershorin”, përfundoi Haradinaj./Arbresh.info/