Drejtori i Përgjithshëm i Shërbimit Korrektues të Kosovës ka takuar Guvernatorin e Burgut të Gjilanit, Mads Beyer

Gjatë takimit, është diskutuar mbi zbatimin e marrëveshjes ndërmjet Kosovës dhe Danimarkës, në kuadër të së cilës i është dhënë në shfrytëzim Qendra e Paraburgimit në Gjilan.

Drejtori Dibrani ka vlerësuar bashkëpunimin e shkëlqyer ndërmjet dy institucioneve, duke theksuar se kjo marrëveshje përfaqëson një model unik të partneritetit ndërkombëtar dhe një hap të rëndësishëm në zhvillimin e mëtejshëm të sistemit korrektues në Kosovë.

Nga ana e tij, Beyer ka rikonfirmuar përkushtimin e vazhdueshëm të palës daneze për zbatimin e suksesshëm të marrëveshjes dhe për mbështetjen e Shërbimit Korrektues të Kosovës në forcimin e kapaciteteve institucionale dhe profesionale./Arbresh.info