Deputeti i Aleancës për Ardhmërinë e Kosovës, Gani Dreshaj sot zgjodhi të kalonte kohë në fshatin e tij, Vrellë.

Mirëpo, dita nuk i shkoi siç kishte planifikuar. Në një postim në Facebook, Dreshaj ka shkruar se nuk e shijoi ditën duke parë se si është dëmtuar natyra e bukur e fshatit, transmeton Indeksonline.

Ai ka thënë se është turp për Komunën e Istogut dhe Ministrinë e Mjedisit që i ka mbyllur sytë ndaj këtij krimi.

Ky është postimi i Dreshajt:

Me dëshirë të madhe vendosa të kalojë një ditë pushimi në fshatin tim, Vrellë.

Por, kjo ditë e bukur sikur shumë të tjera nuk shijohet kur sheh keqbërësit se sa shumë e kanë dëmtuar këtë natyrë të bukur.

Gurëthyesit që nga paslufta bëjnë kërdi duke shkatërruar në masë të madhe këtë zonë e cila është figuron si zonë e ruajtur nga shteti.

Turp i qoftë Komunës së Istogut për mundësinë që ua ka dhënë e po i jep kompanive private për të bërë dëm, marre për Ministrinë e Mjedisit që ndër vite i kanë mbyllur sytë nga ky krim natyrorë.