Reshjet e mëdha të shiut nuk kanë kaluar pa lënë dëme në infrastrukturë.

Dëme janë shkaktuar tek ura e Liqenit të Badovcit në rrugën Prishtinë-Gjilan.

Kjo u bë e ditur përmes një postimi në Facebook nga zëvendësministri i Infrastrukturës, Hysen Durmishi.

“Në rrugën Prishtinë – Gjilan është dëmtuar ura te liqeni i badovcit. Ekipet janë duke u munduar që ta sanojnë sa më shpejtë që është e mundur. Ju lutemi të gjithëve që e frekuentojnë këtë rrugë të lëvizin me kujdes të shtuar”, ka shkruar ai.

Reshjet e mëdha të shiut kanë shkaktuar vërshime në shumë zona të Kosovës.

Për pasojë shumë banorë e kanë pasur të vështirë lëvizjen, e në shumë rast është dashur edhe ndihma e ekipeve emergjente, policisë si dhe vullnetarëve për t’iu dal në ndihmë banorëve në evakuim.

Skenderaj, Mitrovica, Istogu e Klina janë ndër komunat që janë prekur më së shumti nga vërshimet e mëdha./arbresh.info/