Deputetja e Partisë Demokratike të Kosovës Blerta Deliu, përmes një postimi në rrjetin social Facebook ka thënë se Qeveria po vazhdon të nxisë urrejtje dhe armiqësi për Shqipërinë.

Deklarata e Deliut vjen pasi deputeti në grupin parlamentar të Lëvizjes Vetëvendosje, Haxhi Shala e cilësoi Edi Ramën “zëdhënës i Qeverisë së Serbisë”, shkruan arbresh.info

Kjo pasi, Edi Rama ka deklaruar se “duhet mirëkuptuar Serbia për mos vendosjen e sanksioneve ndaj Rusisë”.

E deklarata të tilla për Edi Ramën, sipas deputetes Deliu janë të papranueshme.

“Ne mund të mos pajtohemi në çështje të caktuara me Shqipërinë, por kjo nuk guxon të përdoret si pretekst për të prodhuar tensione artificiale me shtetin shqiptar.

Secilën çështje të diskutueshme duhet ta diskutojmë si dy vende vëllazërore për të sinkronizuar qëndrimet që ndihmojnë Kosovën sidomos në arenën ndërkombëtare.

Shqipëria mbetet përkrahësja më besnike e Kosovës, kudo që ajo përfaqësohet”, ka shkruar Deliu në fund.

Deputetja e PDK-së gjithashtu deklaroi se kryeministri Albin Kurti ka amnistuar nga Vuçiç në kohën kur i shërbente Millosheviçit./arbresh.info